Koi mujh ko mera bharpoor sarapa la de
mere bazu, meri aankhain, mera chehra la de
aesa darya jo kisi aur samundar mein gire
is se behtar hai ke mujh ko mera sehra la de
kuch nahin chahye tujh se ae meri umar rawa`n
mera bachpan, mere jugnu, meri gurya la de
naya mosam meri beenai ko tasleem nahin
meri aankhon ko wohi khwab purana la de
jis ki aankahin mujhe andar se bhi parh sakti hon
koi chehra to mere shehar mein aesa la de
kashti jaa`n to bhanwar mein hi kai barson se
ae khuda! ab to dubo de ya kinara de