Andheri raat ko ye mojza dikhayenge hum
churagh agar na mila,apna dil jalayenge hum
humari koh kani ki hain mukhtalif mayar
pahar kaat ke raste banayenge hum
jo dil dukhta hai to ye azam bhi mila hai humhain
tamam umar kisi ka na dil dukhayenge hum
bohat nidhal hain, sasta to lenge pal do pal
ulajh gaya kaheen daman to kiyon chhurayege hum
agar hai mot mein kuch lutf, bas to itna hai
ke us ke baad khuda ka suragh payege hum
humhain to qabar bhi tanah na kar sake gi nadeem
ke har taraf se zameen ko qareeb payenge hum