Kal mein unhi raston se guzra to bohat roya
sochi hui bataon ko socha to bohat roya
dil mera har ek she ko aina samjhta hai
dhalte hue sooraj ko dekha to bohat roya
aasan to nahin apni hasti se guzar jana
utra jo samundar mein darya to bohat roya
jo shakhs na roya tha tapti rahon mein
deewar ke saye mein betha to bohat roya
jis moj se ubhar tha us moj pe kya guzri
sehra mein wo badal ka tukra to bohat roya
hum teri tabiat ko khursheed nahin samjhe
pathar nazar ata tha roya to bohat roya