Kabhi tu ne khud bhi socha, ke ye pyas hai to kiyon hai
tujhe pa ke bhi mera dil jo udas hai to kiyon hai
mujhe kiyon aziz tar hai ye dhuwa`n dhuwa`n sa mosam
ye hawaye sham-e-hijra`n, mujhe raat hai to kiyon hai
tujhe kho ke chahta hoon, mere daman-e-talab mein
koi khuwab hai to kiyon hai, koi aas hai to kiyon hai
mein ujar kar bhi hoon tera, tu bichhar kar bhi hai mera
ye yaqeen hai to kiyon hai, ye qayas hai to kiyon hai
mere tan barhna dushman, usi gham mein ghul rahe hain
ke mere badan pe salam, ye libas hai to kiyon hai
kabhi poochh is ke dil se ke ye josh mizaj shayer
bohat apni shayeri mein jo udas hai to kiyon hai
tera kis ne dil bujhaya, mere aitbar sajis
ye charagh-e-hijar ab tak, tere paas hai to kiyon hai