Mohabbat mein na aesa bhi koi majboor ho jaye
ke seene se laga kar mot ko mansoor ho jaye
mana kar us ko le aao`n magar is baat ka dar hai
kaheen aesa na ho wo aur bhi maghroor ho jaye
tumhain kese bataon kya nasheeli us ki aankhain hain
ke jo dekhe unhain wo be piye makhmoor ho jaye
abhi halka sa dil pe zakham hai teri judai ka
kaheen aesa na ho ye zakham bhi nasoor ho jaye
na jane josh aese ishq ka anjam kya hoga
jo pehle marhle mein is qadar mashhoor ho jaye