Socha nahin achha bura, dekha suna kuch bhi nahin
manga khuda se raat din tere siwa kuch bhi nahin
socha tujhe, dekha tujhe, chaha tujhe, pooja tujhe
meri khata meri wafa teri khata kuch bhi nahin
jis par humari aankh ne moti bichhaye raat bhar
bheja wohi kaghaz usey hum ne likha kuch bhi nahin
ek sham ki dehleez par bethe rahe wo der tak
aankhon se ki baten bohat munh se kaha kuch bhi nahin
do char din ki baat hai dil khak mein so jaye ga
jab aag par kaghaz rakha baqi bacha kuch bhi nahin