Mujh se karta hai na milne ke bahane
ab guzare ga mere sath zamane kitne
mein gira tha to bohat log ruke the lekin
sochta ye hoon ke aaye the uthane kitne
tum naya zakham lagao tumhain us se kya hai
bharne wale hain abhi zakham purane kitne
apni takhleeq mein insan ko shamil kar ke
dukh uthaye hain khuda jane, khuda ne kitne
jis tarah hum ne usey apna bana rakha hai
sochte hon ge wohi baat na jane kitne