Wo kehti thi....!
Jayen ja kar shirt utaren
doosri pehne`n
ye to match nahin karti
jaye`n ja kar tai lagye`n
parpul tai
shows to mein ne raat hi palish kar dale the
phir aap ne ye kiyon pehne hain
dekhen sox bhi theek nahin hain
phir jab mein ye sab kuch kar ke chalne laga
us ke honton par kiss karta
aur usey banhon mein bharta
masnooi ghabrahat orh kar sarghoshi mein mujh se kehti
thehre`n thehre`n
hooo`n..........`n...............ye khushbu
thora sa parfum to kar le`n
maan aap bohat sada hain
lekin jana`n
office jane se pehle to
apne baad banaya kijye
aur ab
meli shirt aur udhra kaj
meli kalar button khule hain
tai nahin hai, shave barhi hai
baal uljhe hain
aankhein bojhal hain aur
jooton par bhi gard jami hai
us hulye mein ghar se nikla to yaad aya
wo kehti thi.............!