Tum mere kon ho tum se hai taluq kesa
tum kisi dhundh mein lipti hui tanhai ho
meri shohrat ho meri dua ho meri ruswai ho
baat karte ho kabhi chup mein bikhar jate ho
kiyon meri rooh ke goshon pe sitam dhate ho
tum mere kon ho tum se hai taluq kesa?
gungunate ho to mehsoos ye hota hai mujhe
jese daryao`n ke sahil se sada aati ho
paas aata hoon to khuwabon mein utar jate ho
door jata hoon to daman mein lipat jate ho
tum mere paas ho na door ho mere dil se
tum mere paas ho na door ho mere dil se
tum mere kon ho tumse hai taluq kesa?