Kya khabar thi teri mehfil se nikalna hoga
dil na chahe ga magar aag pe chalna hoga
shama ek raat jala karti hai lekin mujh ko
umar bhar ke liye chup chap pighalna hoga
chheen li pyar ki thandhak to zamane ne kaha
tujh ko ek aatish guman mein jalna hoga
band hain mot ki rahen bhi aseeron ke liye
jane is qed se ab kese nikalna hoga
aasman wala! agar mera khuda hai to use!
apni dunya ke rawajo`n ko badalna hoga
dil na chahe ga magar aag pe chalna hoga
kya khabar thi teri mehfil se nikalna hoga.