Umeed abhi kuch baqi hai

Umeed abhi kuch baqi hai

Ek basti basne wali hai,

Jis basti me koi zulm na ho

or jeena koi jurm na ho,

wahan phool khushi ke khilte hon,

or Mausam saare miltay hon,

Bus rang o noor barastay hon

or saare hanste bastay hon,

Umeed hai aisi basti ki

Jahan jhoot ka karobar na ho,

Dehshat ka bazar na ho

Jeena bhi dushwar na ho,

Marna bhi aazar na ho

Ye basti kash tumhari ho

ye basti kash hamari ho,

Wahan Khoon ki holi aam na ho'

us aangan gham ki shaam na ho,

Jahan munsif se insaaf mile

Dil sab ka sab se saaf mile,

Ik aas hai aisi basti ho

Jahan ROTI zehar se sasti ho,

Umeed abhi kuch baqi hai

Ek basti basne wali hai,