Qurbat bhi nahin dil se utar bhi nahin jata
wo shakhs koi fesla kar ke bhi nahin jata
aankhain hain ke khali nahin rehti hain lahu se
aur zakham judai hai ke bhar bhi nahin jata
wo rahat jaan hai magar us dar badri mein
aesa hai ke ab dhiyan idhar bhi nahin jata
hum dohri azyat ke girftar musafir
pao`n bhi hain shal, shoq safar bhi nahin jata
dil ko teri chahat pe bharosa bhi bohat hai
aur tujh se bichhar jane ke dar bhi nahin jata
pagal hue jate ho faraz us se mile kya
itni si khushi se koi mar bhi nahin jata