Dasht mein pyas bujhate hue mar jate hain
hum parindey kaheen jate hue mar jate hain
hum hain sookhe hue talab pe bethe hans
jo taluq nibhate hue mar jate hain
ghar puhanchta hai koi aur humhare jesa
hum tere shehar se jate hue mar jate hain
kis tarah log chale jate hain uthh kar chup chap
hum to ye dhiyan mein late hue mar jate hain
ye mohabbat ki kahani nahin marti lekin
log kirdar nibhate hue mar jate hain
hum hain wo tooti hui kashtiyon wale tabish
jo kinaron ko milate hue mar jate hain