Jab raat ki nagin dasti hai
nas nas main zehar utarta hai
jab chand ki kirne`n tezi se
is dil ko cheer ke aati hain
jab aankh ke andar hi aansu
zanjeeron main bandh jate hain
sab jazbon p chha jate ho
jab yaad bohat tum aatey ho
jab dard ki jhanjhar bajti hai
jab raqas ghamon ka hota hai
khuwabon ke tal pe sare dukh
wehshat ke saz bajte hain
gatey hain khwahish ki le mein
masti main jhoom jate hain
sab jazbon pe chha jate ho
tab yaad bohat tum aate ho
tab yaad bohat tum aate ho