Kal hamesha ki tarah us ne kaha ye phone par
main bohat masroof hoon mujh ko bohat se kaam hain
is liye tum aao milne main to aa sakti nahin
har riwayat tor kar is baar mein ne keh diya
tum jo ho masroof to mein bhi bohat masroof hoon
tum jo ho mashehoor to mein bhi bohat maroof hoon
tum agar ghamgheen ho mein bhi bohat ranjoor hoon
tum thakan se choor to mein bhi thakan se choor hoon
jaan-e-man hai waqat mera bhi bohat hi qeemti
kuch purane doston ne milne ana hai abhi
mein bhi ab farigh nahin mujh ko bhi lakhon kaam hain
warna kehne ko to sab lamhe tumhare naam hain
meri aankhain bhi bohat bojhal hain sona hai mujhe
raat jagon ke baad ab neendon mein khona hai mujhe
mein lahoo apni anao`n ka baha sakta nahin
tum nahin aatee`n to milne mein bhi aa sakta nahin
is ko ye keh ke wasi mein ne resiver rakh diya
aur phir apni ana ke pao`n pe sar rakh diya