Apne aehsas se chho kar mujhe sandal kar do
mein ke sadyon se adhoora hoon mukamal kar do
na tumhain tumhain hosh rahe na mujhe hosh rahe
is qadar toot ke chaho, mujhe pagal kar do
tum apni hatheli ko mere pyar ke mehandi se rango
apni aankhon mein mere naam ka kajal kardo
is ke saye mein mere khuwab dhuk uthainge
mere chehre pe chamakta hua aanchal kardo
dhoop hi dhoop hoon mein toot ke barso mujh pe
is qadar barso meri rooh mein jal thal kar do
jese sehrao`n mein har sham hawa chalti hai
us tarah mujh mein chalo aur mujhe thal kar do
tum chhupa lo mera dil aot mein apne dil ke
aur mujhe meri nigahon se bhi aojhal kar do
masla hoon to nigahain na churao mujh se
apni chahat se tawaja se mujh hal kar do
apne gham se kaho har waqat mere sath rahe
ek aehsan karo us ko musalsal kar do
mujh pe chha jao kisi aag ki soorat jana
aur meri zaat ko sookha hua jangle kardo